გინგივიტის გამომწვევი მიზეზები საკმაოდ მრავალრიცხოვანია,როგორც ზოგადი,ორგანიზმის ჯანმრთელობის მდგომარეობიდან გამომდინარე,ასევე ადგილობრივი,პირის ღრუში არსებული მდგომარეობიდან გამომდინარე.
გინგივიტის ძირითადი სიმპტომებია:
-სისხლდენა ღრძილებიდან,
-მათი შეწითლება და შეშუპება,
-არაიშვიათად აღინიშნება არასასიამოვნო სუნი პირის ღრუდან.
ძალიან ბევრი ახალგაზრდა სათანადო ყურადღებას არ უთმობს ამ სიმპტომებს,ქრონიკული გინგივიტი კი თანდათანობით პროგრესირებს და ანთებითი პროცესი ღრძილებიდან შესაძლოა გავრცელდეს კბილის მიმდებარე სხვა ქსოვილებზე,მათ შორის კბილბუდის ძვლოვან ქსოვილზე და განვითარდეს შეუქცევადი პათოლოგიური პროცესები კბილის გარემომცველ საყრდენ ქსოვილებში.
არსებობს კატარული,ჰიპერტროფიული და წყლულოვანი გინგივიტები,რომელთაც ცალკე მიმოვიხილავთ.
ყველაზე ხშირად გვხვდება სწორედ კატარული გინგივიტი,რომლისთვისაც დამახასიათებელია ზემოთჩამოთვლილი სიმპტომები,თუმცა არც ისე იშვიათად იგი უსიმპტომოდ მიმდინარეობს და მხოლოდ სტომატოლოგს შეუძლია დამახასიათებელი ობიექტური ნიშნების აღმოჩენა.
No comments:
Post a Comment