მიუხედავად იმისა,რომ დღეს თანამედროვე სტომატოლოგია ფლობს ხარისხიან გაუტკივარებას,უახლეს უმტივნეულო ტექნოლოგიებს,ბევრი პაციენტი სტომატოლოგთან ვიზიტის წინ განიცდის შფოთვას და პანიკურ შიშსაც კი.
როგორ უნდა მოიქცეს სტომატოლოგის შიშით შეპყრობილი ადამიანი:
-არაა საჭირო,დავმალოთ შიში ექიმთან,პირიქით სჯობს,გულღიად აუხსნათ,რომ გეშინიათ.ნუ იფიქრებთ,რომ ექიმი ამის გამო გაგკიცხავთ ან დაგცინებთ.იგი ყველანაირად ეცდება,მოგიხსნათ მღელვარება.
-სთხოვეთ ექიმს,წინასწარ გესაუბროთ ყველა მომდევნო მანიპულაციაზე,მოსალოდნელია თუ არა ტკივილი ან დისკომფორტი.
-ნუ გერიდებათ და ნუ გეშინიათ სტომატოლოგის იმის გამო,რომ თქვენი კბილები ან ღრძილები ცუდ მდგომარეობაშია.ექიმების უმეტესობა ტაქტითა და გაგებით მოეკიდება თქვენს პრობლემებს.
-ნუ გეშინიათ,რომ მკურნალობა ძალიან ძვირი დაგიჯდებათ.გაიარეთ წინასწარი კონსულტაცია,სადაც ექიმი გაგაცნობთ ზუსტ ან სავარაუდო ღირებულებას.პროფილაქტიკური და საკონტროლო ვიზიტები კი ძირითადად უფასოა.
-შეეცადეთ გაიაზროთ,რომ სჯობს,დროულად მიხედოთ პრობლემას,რაც გაცილებით ეფექტურად და უმტკივნეულოდ მოგვარდება,ვიდრე მიხვიდეთ გამოუვალ მდგომარეობამდე და გაცილებით ხშირად მოგიწიოთ სტომატოლოგებთან სიარული.
-იფიქრეთ იმაზე,რომ დღეს თანამედროვე სტომატოლოგია უმტკივნეულო პროცედურებს გთავაზობთ,ხოლო დღევანდელი სტომატოლოგები კი მაქსიმალურად ცდილობენ,მოგიხსნან შიში,მღელვარება და კომფორტული გარემო შეგიქმნან.
No comments:
Post a Comment