მითია თუ რეალობა-მოსაზრება:"ღრძილების დაავადებები არ იკურნება"

   

 პაროდონტის დაავადებათა წარმატებული მკურნალობა დამოკიდებულია რამდენიმე აუცილებელ წინაპირობაზე:
1.პაციენტის მაღალი მოტივაცია;
2.ზუსტი დიაგნოზის დასმა;
3.პროგნოზის განსაზღვრა,როგორც მთლიანი კბილთა მწკრივის,ასევე ცალკეული კბილისთვის;
4.მკურნალობის სრული და თანამიმდევრული გეგმის შედგენა;

    ექიმი-პაროდონტოლოგის მიერ სწორი დიაგნოზის დასასმელად აუცილებელი გამოკვლევების ჩატარება,ყველა არსებული ობიექტური მონაცემის,ხელშემწყობი და რისკ-ფაქტორების გაანალიზება და სწორად შეფასება-აი,ესაა ის საკვანძო ეტაპი,რომლის გარეშეც ეფექტური მკურნალობის იმედი არ უნდა გვქონდეს,ამიტომაა,რომ დაავადების სიმპტომები ისევ მალე ბრუნდება,ან გარკვეული დროის შემდეგ ერთბაშად "დამძიმებული"მდგომარეობის სახით იჩენს თავს.
    უნდა ვიცოდეთ,რომ დაავადების სრული განკურნება თუ ხანგრძლივად სტაბილიზაციის ფაზაში გადაყვანა,სწორედ ზემოთჩამოთვლილ ფაქტორებზეა დამოკიდებული და რომელიმე მათგანის უგულებელყოფა განაპირობებს უშედეგო ან არაეფექტურ მკურნალობას.