ბევრმა არ იცის,რომ კბილების დაკარგვა გავლენას ახდენს სახის ოვალზე,სიმეტრიაზე,იწვევს ნაოჭებისა და კანის ნაკეცების მატებას.
არაჯანსაღი ღრძილები და კბილები ესთეტიურად ნამდვილად არაა მიმზიდველი,ჩნდება უსიამოვნო სუნი პირის ღრუდან,ასეთ დროს ადამიანი იძულებული ხდება,მოარიდოს მოსაუბრეს სახე,ღიმილის დროს დაიფაროს ხელი პირზე...ჩნდება ფსიქოლოგიური პრობლემები,რასაც ბევრი ადამიანი ვერც აცნობიერებს...
ზოგი თვლის,რომ მთავარია ჰქონდეს წინა კბილები და თუკი საღეჭ მიდამოში კბილები არ აქვს ან ამოსაღები აქვს რამდენიმე,დიდი ტრაგედიაა არაა,მაინც არ ჩანს...
რა ხდება ფუნქციური თვალსაზრისით ამ დროს?
ყველამ კარგად ვიცით,რომ არსებობს კბილთა ჯგუფები:წინა-საჭრელები და უკანა-საღეჭები,თითოეულ კბილს თავისი ფუნქციური დატვირთვა გააჩნია.წინა კბილებით ვკბეჩთ საჭმელს,უკანა და გვერდითი კბილებით ვღეჭავთ.გვერდით და უკანა ჯგუფის კბილებს გააჩნიათ კიდევ ერთი უმნიშვნელოვანესი ფუნქცია-ისინი ინარჩუნებენ თანკბილვის სიმაღლეს და მაშასადამე,სახის ქვედა ნაწილის ფორმასა და სიმეტრიას განაპირობენ. 2,3 ან მეტი კბილის დაკარგვა ამ მიდამოებში და იცვლება სახის ფორმა,კანის მდგომარეობა(სიმკვრივე),ჩნდებაა ნაოჭები და ნაკეცები ცხვირ-ტუჩის მიდამოში,ტუჩის კუთხეებში,თვალებთან,ქვედა ყბის ქვეშ.
სახე ვიზუალურად იმატებს ასაკს და ვერავითარი ძვირაღირებული გამაახალგაზრდავებელი პროცედურები შედეგს ვერ მოიტანს,სანამ მიზეზს არ შევებრძოლებით.
გარდა გარეგნობისა,კბილების დაკარგვა გავლენას ახდენს მთლიანად ორგანიზმის ჯანმრთელობაზე.კბილების უმთავრესი ფუნქცია ხომ საჭმლის დაქუცმაცებაა.კბილების დაკარგვა მკვეთრად აუარესებს საკვების გადამუშავებას პირის ღრუში,რაც უარყოფითად აისახება კუჭ-ნაწლავთა სისტემის გამართულ მუშაობაზე და იმუნურ სისტემაზე.
კბილების დაკარგვა მოქმედებს მეტყველების გამართულობაზეც,იცვლება ზოგიერთი ბგერის წარმოთქმა.
და ბოლოს,საკუთარი კბილების და ღრძილების ჯანმრთელობაზე დროული ზრუნვა გაცილებით უფრო მომგებიანია ყველა თვალსაზრისით,ვიდრე შემდგომ დაკარგული კბილების აღდგენა.
No comments:
Post a Comment