ერთ შემთხვევას გავიხსენებ პირადი ისტორიებიდან :)
ყველას მოგეხსენებათ,რომ ბევრ ადამიანს ყავს "თავისი"(ვისთანაც მუდმივად დადის) პარიკმახერი,მემანიკურე,მანქანის ხელოსანი და ასე შემდეგ....
მეც მყავს "ჩემი" მანიკურის სპეციალისტი,რომელსაც ერთ მშვენიერ დღეს ვესტუმრე,საუბარში გამოირკვა,რომ მთავაზობს მანიკურის ისეთ ტექნოლოგიას,რომელზეც მანამდე არაფერი მსმენოდა.როგორც გამოირკვა,განსხვავება ისაა,რომ დიდი ხანი ძლებს.
-მაინც რამდენი?-დავინტერესდი მე.
-თუ მოუფრთხილდები,ერთ თვემდე უნდა გაძლოს-მპასუხობს
-და რა ღირს?-ისევ მე.
თანხას არ დავასახელებ,მხოლოდ ვიტყვი,რომ მისი ღირებულება საქართველოში ადამიანის დღევანდელ საარსებო მინიმუმზე ოდნავ ნაკლებია :)
-არიან მსურველები?-ვეკითხები მე
-კი,როგორ არა,ბევრს უნდა-მპასუხობს.
გადის ერთი დღე და "ჩემი" მანიკურის სპეციალისტი ტელეფონზე მირეკავს:
-თანამშრომლის დამ წინა კბილი მოიტეხა და დღესვე უნდა ამოშენება,თქვენს კლინიკაში ხომ კეთდება?
-კი,მაგრამ დღესვე არცერთ ექიმს არ სცალია-ვპასუხობ მე.
-კარგი,ხვალისთვის ჩაწერონ იქნებ,მაგრამ მოიცა,რა ღირს?-მეკითხება.
თანხას არ დავასახელებ ისევ,მაგრამ იმაზე ნაკლები,ვიდრე ის განსაკუთრებული ტექნოლოგიის მანიკური ღირს,თუ მოუფრთხილდები,1 თვემდე რომ ძლებს...:)
-უიმე რა ძვირიაა!-მესმის გაოცებული შეძახილი და შემდეგ დუმილია.ეტყობა ფასის ამბავი გადასცა...:)
-და გარანტია რამდენი წელი აქვს?-უცებ მეკითხება
....დასკვნები თავად გააკეთეთ...:)
-
No comments:
Post a Comment