უსიამოვნო სუნი პირის ღრუდან-როგორ ვებრძოლოთ?

წინა სტატია ჰალითოზის გამომწვევ მიზეზებს ეხებოდა,აქ კი მოგაწვდით ინფორმაციას აღნიშნული პრობლემის მკურნალობისა და რეკომენდაციების შესახებ.
პირველი ეტაპი-ესაა ვიზიტი სტომატოლოგთან,რომელიც დაწვრილებით ანამნეზს შეაგროვებს,რის შემდეგაც სავარაუდო მიზეზები გამოიკვეთება.
თუ ჰალითოზის გამომწვევი მიზეზი პირის ღრუში არსებულ პრობლემებს უკავშირდება,პაციენტს ესაჭიროება სრული სანაცია:
-კბილებისა და ღრძილების დაავადებების მკურნალობა;
-პირის ღრუს პროფესიული წმენდა;
-ნერწყვის გამოყოფის სტიმულაცია;
-ინდივიდუალური ჰიგიენისთვის ჯაგრისის,პასტის,ხსნარების შერჩევა;
-რეკომენდირებულია პირის ღრუს ირიგატორის შეძენა;
-კვებითი რაციონის კორექცია;
სასურველია კბილების გამოხეხვის დროს ენის ზედაპირის გახეხვაც,რისთვისაც ზოგ ჯაგრისს დამატებითი ფუნქციური ზედაპირი გააჩნია.
სავლების სახით მცენარეული ნახარშების თვითნებური გამოყენება არ არის რეკომენდირებული.ზოგიერთი მათგანი ნერწყვის სეკრეციას ამცირებს,რაც დაუშვებელია.
ექიმის შერჩევით,უპირატესობა ენიჭება ანტიმიკრობულ ან სპეციალურად ჰალითოზისთვის რეკომენდირებულ ხსნარებს.
დადებითი ეფექტი აქვს ირიგატორის გამოყენებას.წყლის ჭავლი კარგად ასუფთავებს კბილთაშუა ზედაპირებს,ორთოპედიული კონსტრუქციის ყველა სივრცეს,რაც ჯაგრისისთვის მიუწვდომელია,აკეთებს ღრძილების მსუბუქ მასაჟს.
ზოგჯერ ანამნეზიდან ირკვევა,რომ სავარაუდო მიზეზი სხვა ორგანოთა სისტემას უკავშირდება(იხილეთ სტატია:ჰალითოზის მიზეზები),ასეთ შემთხვევაში საჭირო ხდება დამატებითი კონსულტაცია შესაბამის სპეციალისტთან,მაგრამ,მიუხედავად ამისა,ჰალითოზთან ბრძილის პირველი და აუცილებელი ეტაპი პირის ღრუს სანაციაა.

P.S.დადგენილია,რომ ყნოსვის შეგრძნება მამაკაცებს უკეთ აქვთ განვითარებული,ვიდრე ქალებს.შემთხვევითი არაა,რომ ღვინოების,ჩაის,სუნამოების არომატების დეგუსტატორები ძალიან ხშირად მამაკაცები არიან,